Bu gün Fransa, Azərbaycan və Ermənistan prezidentlərinin Parisdə keçirəcəyi görüş dünya mediasında geniş şəkildə işıqlandırılıb.

Axar.az xəbər verir ki, Türkiyə mətbuatı bu görüşün Fransa Prezidenti Fransua Ollandın təşəbbüsü ilə baş tutduğunu deyib:

"Olland bu görüşün baş tutması üçün uzun müddət təşəbbüs göstərdi. Fransanın ev sahibliyi ilə keçiriləcək görüşdə ATƏT-in Minsk Qrupunun nümayəndələri də iştirak edəcək".

Türkiyə mətbuatında yer alan digər xəbərlərə görə, bu görüşdə əsas məqsəd dialoqun yenidən başlanmasıdır:

"Fransanın rəsmi mənbələri zirvənin hər iki tərəf arasında problemin həlli istiqamətində dialoqun yenidən başlanması üçün təşkil olunduğunu bildirib".