Şəmkirin yeni təyin edilmiş icra başçısı Alimpaşa Məmmədov rayonun Torpaq və Xəritəçəkmə şöbəsinin rəhbəri Rüstəm Rüstəmovu vəzifədən uzaqlaşdırıb.

Bu barədə Axar.az-ın əldə etdiyi məlumatı Şəmkir Rayon İcra Hakimiyyətindən təsdiqlədilər. İcra hakimiyyətinin nümayəndəsi Torpaq və Xəritəçəkmə şöbəsi müdirinin yaşı ilə əlaqədar vəzifəsindən alındığını bildirdi.

Qeyd edək ki, Alimpaşa Məmmədov oktyabrın 8-də Prezident İlham Əliyevin sərəncamı ilə Şəmkir Rayon İcra Hakimiyyətinə rəhbər təyin edilib. O bu vəzifədə Nizami Veysovu əvəzləyib.

Alimpaşa Məmmədov bundan öncə də Şəmkirdə çalışıb. O, bir müddət Şəmkir Rayon Vergilər İdarəsinin rəhbəri olub. İcra başçısı təyin olunana qədər isə A.Məmmədov Bakı şəhər Vergilər Departamentinin rəisi idi.