Paşinyanın Rusiyadan xilas olma və ölkədə normal mütərəqqi sistem qurma cəhdlərində uğur qazanması Azərbaycan üçün bir sıra fürsətlər yarada bilər.

Axar.az xəbər verir ki, bu sözləri QAFSAM-ın sədr müavini, siyasi elmlər üzrə fəlsəfə doktoru Nazim Cəfərsoy deyib. O bildirib ki, Qafqazdakı forpostunda "İvan, Ermənistanı tərk et" şüarlarını eşidən Rusiya bundan həqiqi mənada narahat olub:

“Buna görə də o, işğal edilən torpaqlarımızı azad etmək üçün bizə Ermənistanla bir müddət təkbaşına qalma imkanı verə bilər. Digər tərəfdən, normallaşan və mütərəqqiləşən erməni cəmiyyəti Qarabağ məsələsində daha rasional davrana və Qafqazda real əməkdaşlıq barədə müsbət hərəkət edə bilər”.