Rusiyanın “Rossiya-24” telekanalında ölkəmiz haqqında videosüjet yayımlanıb.

Axar.az xəbər verir ki, aparıcı Mariya Qladkixin hazırladığı “Mersi Baku” adlı videosüjetdə Prezident İlham Əliyevin Bakı Ekspo Mərkəzində XXIV Azərbaycan Beynəlxalq Telekommunikasiya, İnnovasiya və Yüksək Texnologiyalar Sərgisi - “Bakutel-2018” ilə tanış olarkən “Rossiya-24” televiziya kanalına müsahibəsinin görüntülərindən, o cümlədən Bakının müxtəlif yerlərində çəkilən kadrlardan istifadə olunub.

Videosujetdə ölkə başçısı İlham Əliyevin rusiyalı jurnalistlə səmimi müsahibəsi zamanı səsləndirdiyi fikirlərə yer verilib. Qladkix paytaxtın sürətli inkişafı, texnologiya və innovasiya sektoruna dövlət qayğısı, turizmin hər ötən gün daha da artan potensialı barədə xoş təəssüratlarını bölüşüb.

Ölkəmizin inkişafı və mədəniyyəti barədə Rusiyanın Azərbaycandakı səfiri Mixail Boçarnikovun sözləri tamaşaçılara çatdırılıb.