Ana səhifə Gündəm |
"Məsələni araşdırmağa başlayanda "AGOS" qəzeti Qarabağa gedən jurnalistlərlə bağlı yazını saytından çıxartdı".
Axar.az xəbər verir ki, bu açıqlama ilə Türkiyədə yaşayan azərbaycanlı politoloq Orxan Qafarlı çıxış edib.
O, Türkiyə köşə yazarlarının Qarabağı ziyarət etməsinin provakasiya olduğunu bildirib:
"Türkiyədə bir qrup köşə yazarı Azərbaycanın işğal olunmuş Dağlıq Qarabağ bölgəsinə gediblər. Demək, bu mövzuda keçən həftə məlumat var idi. Həm də T24 və "AGOS" qəzeti bunu açıq şəkildə yazmışdılar. Önəmli olan bu deyil. Mənim üçün önəmli olan budur ki, köşə yazarlarının Qarabağa getdikləri zaman Azərbaycan Xarici İşlər Nazirliyindən və Azərbaycan səfirliyindən icazə alıblarmı? Anladığım qədəriylə yox, çünki bizim Xarici İşlər Nazirliyinin bu mövzuda məlumatı yox idi. Hətta bu məsələni araşdırmağa başlayanda "AGOS" qəzeti Qarabağa gedən jurnalistlərlə bağlı yazını saytından çıxartdı. Ümid edirəm ki, bir neçə köşə yazarı ucbatından iki ölkə arasında əlaqələr pozulmaz. Bu adamların onsuz da Dağlıq Qarabağa getmələri Avropa təşkilatları tərəfindən hazırlanıb və provakasiya xarakteri daşıyır".
Tarix
2014.11.02 / 15:43
|
Müəllif
İlkin Həsənov
|