İstanbulda Boğaz içinin Qara dənizə çıxışı olan Rumeli Fənəri sahili yaxınlığında baş verən qəzada ölənlərin sayı açıqlanıb.

Axar.az xəbər verir ki, qaçaq immiqrantları daşıyan gəminin batması nəticəsində 24 nəfər ölüb, 7 nəfər isə xilas edilib.

Sahil Təhlükəsizlik Xidməti verdiyi açıqlamada axtarış tədbirlərinin davam etdirildiyini bildirib: "İstanbul boğazı çıxışından 3 mil şimalda göyərtəsində bir qrup immiqrantın olduğu gəmi batıb. Məlumat daxil olduqdan dərhal sonra 7 Sahil Təhlükəsizlik gəmisi və iki vertolyot axtarış işlərinə cəlb olundu. 7 nəfər xilas edilib. 24 nəfərin cəsədini sudan çıxartmışıq. Ölənlərin kimliyi müəyyənləşdirilir və axtarış tədbirləri davam etdirilir".