Ana səhifə Gündəm |
"ABŞ və Avropa Birliyi gec-tez Donetsk rəhbərliyini tanımalı olacaq".
Axar.az xəbər verir ki, bu açıqlama ilə rusiyalı politoloq Yevqeni Benya çıxış edib. Onun sözlərinə görə, yeni hakimiyyəti çətin günlər gözləyir:
"Donetskdə keçirilən seçkinin fəallığı çox yüksək səviyyədə oldu. Bu, insanların öz rəhbərliklərinə etimadının olduğunu göstərdi. Amma BMT, ABŞ və AB seçkilərin nəticələrini tanımadı. Düzdür, yeni hakimiyyət çətin günlər yaşayacaq, amma bir müddət sonra Qərb yeni rəhbərliklə hesablaşmalı olacaq. Yeni hökumətin ən vacib işi münaqişənin daha da gərginləşməsinin qarşısını almaq olacaq".
Xatırladaq ki, noyabrın 2-də Ukraynanın şərqində, Donetsk və Luqansk vilayətlərində rusyönümlü separatçılar seçki keçiriblər. Ukrayna hökuməti, ABŞ, Avropa Birliyi və BMT baş katibi bu seçkini qeyri-legitim adlandırıb. Rusiya isə seçkinin nəticələrini tanıdığını bəyan edib.
Tarix
2014.11.03 / 23:07
|
Müəllif
İlham Sahiloğlu
|