Ana səhifə Gündəm |
Son zamanlarda xüsusilə Qərb mətbuatında Dağlıq Qarabağ probleminin həllində müsbət yöndə irəliləyişlər olduğu haqda müxtəlif fikirlər səsləndirilir.
Bu sözləri Axar.az-a açıqlamasında politoloq Hatəm Cabbarlı deyib. O bildirib ki, bu fikirləri səsləndirənlər məsələ ilə bağlı kifayət qədər təcrübəsi olan politoloqlar, ekspertlərdir:
“Doğrudur, Dağlıq Qarabağ probleminin həll olunması istiqamətində müəyyən işlərin görüldüyünü deməmək olmaz. Amma Dağlıq Qarabağ probleminin həll ediləcəyi ilə bağlı qəti fikir bildirmək bir az mübahisəlidir. Çünki Ermənistanda hakimiyyət dəyişikliyindən sonra İrəvanın Dağlıq Qarabağ probleminə münasibətdə hansı xətt üzrə siyasət həyata keçirəcəyi naməlum olaraq qalır. Nikol Paşinyan hökuməti Dağlıq Qarabağ məsələsi ilə bağlı hakimiyyətə gələndən sonra militarist bəyanatlar verməyə başladı. Əgər Paşinyanın bu günə qədər Dağlıq Qarabağ problemi ilə bağlı dediyi fikirlərə diqqət yetirsək, əslində, Qərb politoloqlarının və siyasi icmalçılarının - Pol Qobl, Metyu Brayza, Tomas de Vaalın bu qədər nikbin fikirlərlə çıxış edərkən hansı əsaslara dayandıqları olduqca maraqlıdır”.
Tarix
2019.01.12 / 09:00
|
Müəllif
Firuzə Vahidqızı
|