Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
7 Dekabr 2019


ATƏT-in vitse-prezidenti Mehmanla bağlı müraciət yaydı

Ana səhifə Gündəm
12 Punto 14 Punto 16 Punto 18 Punto

Azay Quliyev Mehman Hüseynovla bağlı hüquq-mühafizə orqanlarına və beynəlxalq təşkilatlara müraciət edib.

Axar.az xəbər verir ki, millət vəkili bu barədə Tviter hesabında məlumat yayıb.

"ATƏT PA-nın vitse-prezidenti kimi Mehman Hüseynovla bağlı yaranmış vəziyyət məni ciddi narahat etdiyindən, onun haqqında gedən məlumatların həqiqiliyini araşdırmaq, ona qarşı irəli sürülmüş yeni ittihamın mahiyyətini öyrənmək və onun sağlıq durumu haqqında dəqiq məlumat əldə etmək üçün aidiyyatı qurumlarla məsələni müzakirə etdim və bəzi suallara aydınlıq gətirməyə çalışdım", - deyə o qeyd edib.

Azay Quliyevin sözlərinə görə, son günlər xarici mətbuatda bloger M.Hüseynovla bağlı gedən yazıları və bəzi beynəlxalq qurumların bəyanatlarını təhlil edərək belə bir qənaətə gəlmək olar ki, bir çox hallarda məsələyə verilən reaksiya adekvat deyil və hiss olunur ki, baş verənlərin mahiyyəti bilərəkdən təhrif edilir:

"Bu isə ciddi narahatlıq doğurur, eyni zamanda, yerli və beynəlxalq ictimaiyyəti çaşdırır və əsl həqiqətin nədən ibarət olduğu haqqında məlumat əldə etmək imkanını məhdudlaşdırır. Məni narahat edən əsas məqamlardan biri də xarici mətbuatda Mehman Hüseynova qarşı yeni cinayət işinin açıldığı və ona daha 7 il həbs cəzası veriləcəyi, bu səbəbdən də onun quru aclıq aksiyasına başladığına görə həyatını itirmək təhlükəsi ilə üz-üzə qaldığı barədə həqiqətə uyğun olmayan məlumatların dərc edilməsidir".

Millət vəkili vurğulayıb ki, Mehman Hüseynovla həbsxana məmuru arasında baş vermiş hadisə araşdırılması üçün prokurorluq orqanlarına göndərilib:

"Baş vermiş insident obyektiv və ədalətli şəkildə araşdırılır və proses yekunlaşdıqdan sonra onun nəticələri barədə ictimaiyyətə ətraflı məlumat veriləcək".

A.Quliyev M.Hüseynovun səhhətinin ağır və ya az qala ölümcül vəziyyətdə olması haqqında bəzi beynəlxalq təşkilatların bəyanatlarında və xarici mediada gedən yazılara da münasibət bildirib:

"Bu məlumatların da heç birinin əsası yoxdur. Rəsmi açıqlamalardan da bəlli olur ki, Mehman Hüseynov aclıq aksiyası keçirmir, onun səhhəti normaldır və ona qarşı hər hansı ayrı-seçkiliyə, təzyiqə və ya qanundan kənar hərəkətlərə yol verilmir. Bu faktlar onu həbsxanada ziyarət edən Azərbaycan ombudsmanının nümayəndəsinin, hüquq müdafiə təşkilatlarının, xarici ölkə səfirliklərinin, eyni zamanda, Mehman Hüseynovun özünün yaydığı açıqlamalarda da öz əksini tapıb".

ATƏT PA-nın vitse-prezidenti bildirib ki, M.Hüseynovun hüquqlarının qanunvericilik çərçivəsində tam olaraq qorunacağına, eyni zamanda bu mövzu ətrafında bundan sonra siyasi manipulyasiyalara yol verilməyəcəyinə ümid edir: "Sonda isə hüquq-mühafizə orqanlarını Mehman Hüseynovla bağlı baş vermiş insidenti obyektiv və ədalətli araşdırmağa, beynəlxalq təşkilatları, səfirlikləri və xarici medianı isə məsələnin mahiyyətini tam bilmədən ona tələsik və birtərəfli reaksiya verməməyə və araşdırmaların nəticələrini gözləməyə çağırıram".

Tarix
2019.01.12 / 18:17
Müəllif
Firuzə Vahidqızı
Şərhlər
Digər xəbərlər

Prezidentdən heç kəsin gözləmədiyi qərar...

Prezident: Bura mühafizə olunmalıdır, gözətçilər...

Prezidentdən nazirə: Gələndə gördüm ki, yolboyu...

Kazinform Prezidentin sərəncamından yazdı

Erməni kanalından Türkiyə ilə bağlı şok iddia - Video

Əli Əsədov Molineusla görüşdü

Prezidentin islahatları nəyə xidmət edir? - Ekspert açıqladı

Seçki tarixi yaxınlaşır: kimlər hələ də “yuxulayır”?

Hansı partiyalar seçkidə iştirak edəcək? - Açıqlama

Seçki: namizədlərin qeydiyyatı nə vaxt başlayır?

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla