Ana səhifə Gündəm |
Ermənistan Müdafiə Nazirliyinin Milli Müdafiə Tədqiqatı Universitetinin vəzifədən uzalaşdırılan direktoru general-leytenant Ayk Kotancyan Ermənistanın Baş naziri Nikol Paşinyanı ölkənin təhlükəsizliyinə laqeyd münasibətdə ittiham edib.
Axar.az xəbər verir ki, general erməni mətbuatında açıqlamasında Paşinyanın göstərişinə əsasən Ermənistan Müdafiə Nazirliyində struktur dəyişikliyi nəticəsində MMTU-ya yeni təyin edilən rəhbər general-mayor Genadi Tavarasyanın “Ermənistanın milli təhlükəsizliyinin maraqlarına əsaslanan” bütün strateji tədqiqatların icrasını dayandırdığını bildirib.
A.Kotancyan perspektivsiz və gələcəkdə tətbiqi qeyri-müəyyən hesab olunaraq icrası dayandırılan layihələrin gələcəkdə ölkənin təhlükələrə qarşı mübarizə aparmaq imkanlarını məhdudlaşdıracağını bildirib və erməni ictimaiyyətini belə məsələlərə qarşı həssas olmağa çağırıb.
O əlavə edib ki, qərardan narazı qalan işçilər, xüsusən universitetin gənc alimləri və bacarıqlı tədqiqatçıları artıq iş yerlərini tərk ediblər.
Tarix
2019.01.16 / 16:57
|
Müəllif
Aygün Yusibova
|