Maliyyə Nazirliyinin Ağdam rayonu üzrə Maliyyə İdarəsinin rəisi Elşad Əhmədov tutduğu vəzifədən azad edilib.

APA-nın məlumatına görə, Maliyyə Nazirliyinin mətbuat xidmətindən bildirilib ki, Maliyyə naziri Samir Şərifovun imzaladığı 3 noyabr 2014-cü il tarixli əmrlə, Ağdam rayonu üzrə Maliyyə İdarəsinin rəisi Elşad Əhmədov işdə yol verdiyi nöqsanlara görə, o cümlədən dövlət büdcəsinin Ağdam rayonu üzrə yerli gəlir və xərclərinin tərtibi və icrası üzrə işləri tələb olunan səviyyədə yerinə yetirmədiyinə, büdcə və büdcədənkənar vəsaitlərin təyinatı üzrə xərclənməsinə zəif nəzarət etdiyinə görə tutduğu vəzifədən azad edilib.