"Hava məkanımız müharibə zamanı bağlanıb".

Bu sözləri Axar.az-a XİN Mətbuat xidmətinin rəhbəri Hikmət Hacıyev işğal olunmuş ərazilərin hava məkanında uçuşlara münasibət bildirərəkən deyib.

Nazirlik sözçüsü Azərbaycanın hələ Qarabağ müharibəsi dövründə hava məkanını bağladığını deyib:

"Azərbaycan 90-cı illərin əvvəllərində, müharibə getdiyi dövrdə işğal olunmuş ərazilərin hava məkanında uçuşları qadağan edib və müvafiq qaydada beynəlxalq mülki aviasiya təşkilatının bütün üzvləri bu barədə məlumatlandırılıb. Rus politoloqların irəli sürdüyü iddiaların heç bir əsası yoxdur. Biz politoloqların fikrini şərh etmirik".

Xatırladaq ki, rusiyalı politoloqlar Azərbaycanın yalnız bu yaxınlarda işğal olunmuş torpaqların hava məkanını bağladığını iddia edib.