Ana səhifə Gündəm |
Bu gündən başlayaraq, ən azı bir həftə ərzində süfrələr bayram şirniyyatı ilə zəngin olacaq.
Axar.az xəbər verir ki, bu barədə tanınmış pediatr Vaqif Qarayev qeyd edib.
O bildirib ki, şirin və zəngin tərkibə malik qidalara qarşı həssas olan uşaqlar şəkərbura və paxlavadan çox məhdud şəkildə istifadə etməlidir:
“Uşaqları bu şirniyyatlara aludə etmək heç düzgün deyil. Bəli, tam məhrum etmək də düzgün deyil. Allergiyalı, mədə-bağırsağında xroniki problemləri olan, köklüyə meyilli və dişlərində kariyes olan uşaqları Novruz şirniyyatlarından uzaq tutmaq məsləhətdir”.
Həkim bildirib ki, mağazadan alınan Novruz şirniyyatlarından isə tamamilə imtina edilməlidir:
“Şəkərbura-paxlavanı yaxşı olar ki, özünüz hazırlayasınız. Satış məntəqələrindən aldığınız məmulatların keyfiyyəti problemli olur. Belə məhsullar nəinki uşaqlara, hətta böyüklərin də orqanizminə olduqca mənfi təsir edir”.
Tarix
2019.03.19 / 23:21
|
Müəllif
Nigar İxtiyarqızı
|