İngiltərənin nüfuzlu nəşrləri Rusiya və Türkiyə arasında imzalanan yeni enerji layihəsini fərqli istiqamətlərdə işıqlandırıb.

Axar.az xəbər verir ki, "Faynənşl Tayms" (Financial Times) qəzeti Rusiyanın Cənub Axını layihəsindən imtina səbəblərini araşdırıb. Moskvanın Cənub-Şərqi Avropada təsirini gücləndirmək üçün Türkiyə vasitəsi ilə hərəkətə keçdiyini deyən qəzet yeni bir ittifaqın yaranmasını istisna etməyib.

"Qardian" (The Guardian) isə Cənub Axından imtina edən Putinin Avropa Birliyini günahlandırdığını yazıb.

"Putin Türkiyə üzərindən reallaşdırdığı müqavilə ilə Avropaya qaz müharibəsi elan etdi" başlığı ilə xəbər dərc edən "Tayms" (The Times) qəzeti isə Kremlin Türkiyə ilə yeni müttəfiq olduğunu və Ankara-Moskva bağlarının daha da gücləndiyini qeyd edib.