Azərbaycan Gürcüstanın strateji tərəfdaşıdır və Keşikçidağ Məbəd-Kompleksi ilə bağlı məsələ həssas olduğundan biz buna ehtiyatla yanaşırıq.

Axar.az Report-a istinadən xəbər verir ki, bu barədə Gürcüstanın Xarici İşlər naziri David Zalkaliani bildirib.

O deyib ki, yaxın günlərdə Gürcüstan və Azərbaycan arasında sərhədin delimitasiyası üzrə komissiya fəaliyyətini bərpa edəcək.

D.Zalkaliani qeyd edib ki, məsələ ilə bağlı azərbaycanlı həmkarı ilə daimi əlaqə saxlayır: "Biz Azərbaycan tərəfi ilə komissiyanın yenilənməsi ilə bağlı razılıq əldə etmişik".