Ana səhifə Gündəm |
Paşinyan çalışır ki, ağır iqtisadi vəziyyətdə olan Ermənistana əlavə investisiya cəlb etsin.
Bu sözləri Axar.az-a Nikol Paşinyanın Pekin səfərinə münasibət bildirən iqtisadçı ekspert Natiq Cəfərli deyib.
O bildirib ki, Paşinyanın məqsədi Çini investisiya layihələrini Azərbaycan və Gürcüstanda deyil, Ermənistanda həyata keçirməyə razı salmaqdır:
“2019-cu il yanvarın 1-dən qüvvəyə minmiş strateji investisiya proqramı var. Həmin proqramda Çin bir neçə bölgəni özünün strateji maraqları çərçivəsinə daxil edib. Çin əvvəllər daha çox Afrika və Asiya ölkələrində aktiv idi. Bu ildən Latın Amerikasında və Qafqazda, həmçinin Türkiyə ərazisində investisiya layihələrinin artırılması ilə bağlı yeni strateji yol xəritəsi hazırlayıb. Gürcüstan artıq bundan bəhrələnməyə başlayıb, iki ölkə arasında uzunmüddətli investisiya müqavilələri bağlanıb. Yaxın 5 ildə Gürcüstana təqribən 8 milyard dollara yaxın investisiya qoyulacağı gözlənilir. Bu, layihələrdən kənarda qalan və iqtisadi vəziyyəti çox ağır olan Ermənistanı çox narahat edir. Xüsusilə Azərbaycanın iştirakçısı olduğu bütün layihələrdən kənarda qaldığı üçün özünə yeni investisiya mənbələri axtarır. Paşinyanın Çinə səfərinin məqsədi də elə budur: Çin investisiyalarını ölkəsinə dəvət etmək və Pekinin İrəvana sərmayə yatırması üçün daha əlverişli şərtlər təklif etmək. Lakin Çinin bazarı çox kiçik, əhalisi az və ən əsası işğalçı siyasət yürüdən bir ölkəyə investisiya qoyacağı heç inandırıcı deyil. Ümumiyyətlə, İrəvanın cəlbedici, maraq doğuran təkliflər edə bilməsi üçün heç nəyi yoxdur”.
Qeyd edək ki, Ermənistanın Baş naziri Nikol Paşiyanın sabah Çinə gedəcəyi bildirilib.
Tarix
2019.05.14 / 09:18
|
Müəllif
Mahir Ələkbərov
|