Ana səhifə Gündəm |
"Rusiya-Qərb qarşıdurmasında Kremlin uduzması qaçılmazdır".
Axar.az xəbər verir ki, bu açıqlama ilə iqtisadçı Natiq Cəfərov öz Feysbuk səhifəsində çıxış edib.
O, başımıza gələn bütün tarixi bəlaların Rusiyadan qaynaqlandığını bildirib:
"Bütün TV kanallar son günlər Qərbi, ABŞ-ı, Avropanı quru yuyub, yaş sərirlər. Əlbəttə ki, Qərbin atdığı bəzi addımlar, tutduğu mövqe tənqidlərə, analizlərə layiqdir. Amma nədənsə Rusiya haqqında, Kreml haqqında bir kəlmə də danışmırlar. Sankı Türkmənçay, Gülüstan müqavilələrini Çar Rusiyası bağlamayıb, sanki 1905-ci ildə türk-müsəlman qırğınlarını Çar Rusiyası təşkil etməyib, sanki 1918-ci ildə Bakıda, Qubada, Şamaxıda qətlləri bolşevik Rusiyası etməyib, sanki 1920-ci ildə qürurumuz olan ADR-i bolşevik Rusiyası işğal etməyib, sanki 1937-ci ildə 27 min ziyalimizi Sovet Rusiyası güllələməyib, sürgün etməyib, sanki 1990-cı ildə sovet-rus qoşunları Bakıda dinc əhalini qətl etməyib, sanki Xocalıda soydaşlarımızı Sovet Rusiyasının 366-cı alayı öldürməyib, sanki Qarabağımızı bir ovuc erməni dığasının işğal etməsinə, 20 il işğalda saxlamasına Rusiya şərait və dəstək saxlamayıb – sanki bütün tarixi faciələrimizi Rusiya deyil də, Qərb edib".
Ekspert Rusiya-Qərb qarşıdurmasında Kremlin uduzmasının qaçılmaz olduğunu, bunun zamanla həllini tapacağını və uduzanın tərəfində yer almağın millətə ziyan verəcəyini bildirib:
"Mərhum H.Əliyev bir dəfə söyləmişdi ki, indi Politbüro Brüsseldədir, Vaşinqtondadır. Dünyanın necə inkişaf etməsini, tərəqqinin harada olmasını o insan gözəl bilirdi. Bu gün baş verənləri gördükdə tam səmimiyyətlə deyirəm: Allah sənə qəni-qəni rəhmət eləsin, Heydər Əliyev..."
Tarix
2014.12.12 / 14:16
|
Müəllif
İlkin Həsənov
|