Yuxarı

Mxitaryanın "Arsenal"a köməyi dəyməyəcək - Dünya mediası

Ana səhifə Gündəm
12 Punto 14 Punto 16 Punto 18 Punto

UEFA Avropa Liqasının mayın 29-da Bakıda keçiriləcək final matçı dünya mediasının gündəmində, idman ictimaiyyətinin diqqət mərkəzindədir. Finalda iki ingilis komandasının qarşılaşması Böyük Britaniyada bu oyuna marağı daha da artırıb.

Axar.az xəbər verir ki, dünyanın məşhur ESPN kanalı da paytaxtımızda keçiriləcək həlledici görüş barədə veriliş hazırlayıb. UEFA Avropa Liqasının final oyununa həsr edilmiş xüsusi proqramda “Arsenal”ın erməni futbolçusu Henrix Mxitaryanın Bakıya gəlməməsinə geniş yer ayrılıb.

Kanalın eksperti, məşhur jurnalist Stiv Nikol “Arsenal”ın yarımmüdafiəçisi Henrix Mxitaryanın Bakıya gəlməməsinin əsas səbəbinin futbolçunun idman formasından kənar olması ilə əlaqələndirib. Məşhur jurnalist Henrix Mxitaryanın yaxşı formada olmadığını vurğulayaraq futbolçunun heyətdən kənarda qalmasının komandaya təsir göstərməyəcəyini deyib.

Bundan başqa, Stiv Nikol Bakı və Azərbaycan haqqında xoş sözlər söyləyərək azarkeşləri mütləq finala canlı baxmaq üçün ölkəmizə səfər etməyi çağırıb. O, finalın Bakıya həvalə edilməsinin UEFA tərəfindən düzgün qərar olduğunu vurğulayıb. Bildirib ki, bu, futbolun ümumilikdə Avropada populyarlaşmasına səbəb olacaq.

Avropanın digər böyük ölkəsi İtaliyada da oyuna maraq yüksəkdir. Dünyanın məşhur idman kanallarından olan “Skysport” final oyunu günü Bakıdan irihəcmli proqram hazırlayacaq. Bununla əlaqədar İtaliyanın tanınmış şərhçiləri Bakıya gələcəklər. Onlardan biri - vaxtilə ölkənin ən məşhur futbolçularından olan, hazırda isə “Skysport” kanalında şərhçilik edən Luka Markaciani deyib: “Bakıda yüksək səviyyəli, böyük həvəs və diqqətlə hazırlıq işlərinin aparıldığı möhtəşəm final matçını gözləyirəm. Bu, Azərbaycan üçün çox önəmli tədbir olacaq. Bütün dünyanın diqqəti Bakıya yönələcək. Bu şəhər haqqında çox yaxşı şeylər eşitmişəm. Amma heç vaxt orada olmamışam. Ona görə də Azərbaycana səfərimi səbirsizliklə gözləyirəm. Bilirəm ki, Bakı çox gözəl və sürətlə inkişaf edən bir şəhərdir. Bakı çox mühüm tədbirlərə ev sahibliyi edir. Bu işlər yüksək səviyyədə həyata keçirilir. Misal üçün Formula 1 üzrə nüfuzlu yarışın mərhələ yarışlarından biri Azərbaycanda keçirilir və şəhər yüksək təşkilatçılıq nümayiş etdirir. Belə yerlərə getməyi həmişə xoşlayıram. Ona görə də Bakıya getmək üçün artıq günləri sayıram. Hətta normal iş günümdən bir gün artıq qalmağı və şəhəri gəzməyi planlaşdırmışam. Mənim üçün fərqli bir səfər və təcrübə olacaq. İnanıram ki, Bakı UEFA Avropa Liqasının final görüşünü də ən yüksək standartlar səviyyəsində təşkil edəcək”.

Portuqaliyalı sabiq futbolçu Luiş Fiqu UEFA Avropa Liqasının Bakı finalı ilə bağlı növbəti dəfə azarkeşlərə müraciət edib. “Barselona” və Madridin “Real” komandasının əfsanəvi futbolçusu azarkeşləri final oyununa baxmağa dəvət edib: “Əziz dostlar beş gün sonra Bakıda möhtəşəm final olacaq. Mən də orada olacağam. Bu anı əldən qacırmayın ”.

Qeyd edək ki, Luiş Fiqu bundan əvvəl Avroliqada fəaliyyət göstərəcək könüllərə müraciət etmişdi.

Xatırladaq ki, UEFA Avropa Liqasının final görüşü mayın 29-da Bakının Olimpiya Stadionunda keçiriləcək. Həlledici oyunda İngiltərənin “Çelsi” və “Arsenal” komandaları qarşılaşacaq.

Tarix
2019.05.24 / 20:00
Müəllif
Axar.az
Şərhlər
Digər xəbərlər

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla