Millət vəkili Qənirə Paşayeva Tovuzda seçiciləri ilə görüşlərini bu gün də davam etdirib.

Axar.az xəbər verir ki, Ramazan bayramının ilk günündən seçicilərinin yanında olan millət vəkili sakinlərin müraciətlərini dinləyib və həlli istiqamətində müvafiq qurumlara müraciət edib, müzakirələr aparıb.

Sakinlərlə görüşdə bölgədə həyata keçirilməsi nəzərdə tutulan layihələr ilə bağlı söhbətlər, müzakirələr aparılıb.

Millət vəkili sakinləri narahat edən məsələləri dinləyərək, onları yerli və müvafiq mərkəzi qurumlarla onları müzakirə edəcəyini və həllinə çalışacağını deyib.

Qənirə Paşayeva Milli Məclisdə qəbul olunan qərar və qanunlardan, qanunlara edilən əlavə və dəyişikliklərdən danışıb, sakinləri maraqlandıran bir sıra sualları da cavablandırıb.

Görüşdə şəhid ailələrinə, müharibə əlillərinə, fiziki imkanları məhdud insanlara “Veysəloğlu” şirkətinin bayram hədiyyələri də təqdim olunub.