Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
24 İyun 2019


AXC-Müsavat da nicatı Heydər Əliyevdə görürdü – Millət vəkili

Ana səhifə Gündəm
12 Punto 14 Punto 16 Punto 18 Punto

SSRİ-nin dağılmasından sonra müstəqil olan Azərbaycan vahid bir lideri olmadığına görə ikinci dəfə əldə edilmiş müstəqilliyini itirmək təhlükəsi ilə üzləşmişdi.

Bu sözləri Axar.az-a açıqlamasında millət vəkili Azər Badamov deyib. O, Heydər Əliyevin 1993-cü ilin 9 iyununda ölkənin ağır vəziyyətində xalqın təkidi ilə Bakıya qayıtdığını söyləyib:

“Heydər Əliyevin hakimiyyətə ikinci qayıdışı bizim gənclik illərimizə təsadüf edir. Həmin illərdə cərəyan edən hadisələrin əyani şahidi olmuşuq. Müstəqil siyasət yürütmək iqtidarında bir lideri olmayan ölkəmizdə düşmənlərimizin planlarını həyata keçirməsi üçün rahat şərait yaranmışdı. Ölkə daxilində xaos, qarışıqlıq hökm sürürdü. Vətəndaş müharibəsi, hakimiyyət davası, şəxsi maraqlarını dövlətin və xalqın maraqlarından üstün tutan şəxsiyyətlər hakimiyyətə gəlmişdi. Belə bir ağır vəziyyətdə ölkəni düşdüyü durumdan xilas edəcək bir şəxsiyyət lazım idi.

Bu şəxs təbii ki, uzun illər dövlətçilik təcrübəsi, uzaqgörən və siyasi iradəsi olan Heydər Əliyev idi. Həmin vaxtı AXC-Müsavat cütlüyü də ölkənin düşdüyü ağır günündə ölkənin taleyini Heydər Əliyevdə görürdü.

Heydər Əliyev ölkənin ağır durumunda bu yükü öz çiyninə götürdü. O, Azərbaycanın müstəqilliyinin möhkəmlənməsi üçün var gücü ilə əlindən gələni etdi. Ulu öndər ilk növbədə Azərbaycanda siyasi sabitliyi təmin elədi, vahid nizami ordu yaratdı. Heydər Əliyev hakimiyyətə gəldiyi ilk günlərdə şəxsən öz komandanlığı ilə Azərbaycanın bir neçə yaşayış məntəqəsini düşmən işğalından azad etdi. O, Ermənistanı məcbur elədi ki, atəşkəsi imzalasın. Çünki o vaxt Azərbaycan düşmənlə üz-üzə dayanması üçün nə iqtisadi, nə də hərbi gücü kifayət idi”.

Millət vəkilinin sözlərinə görə, Ümumilli liderin səyi nəticəsində qısa bir dövrdə müstəqil Azərbaycanın gələcəyi üçün güclü əsaslar yarandı:

“Bu əsasların yaranmasında təbii ki, Ulu öndərin rəhbərliyi ilə qəbul olunmuş neft strategiyası böyük rol oynadı. Azərbaycan bu gün də həmin strategiya üzərində inkişaf edir.

Düşünürəm ki, bu gün ölkəsini sevən hər bir azərbaycanlı Ulu öndərə borcludur. Çünki artıq Azərbaycan dünyada söz sahibi olan ölkəyə çevrilib. Azərbaycan hazırda regionda həm ən güclü orduya, həm də iqtisadiyyata sahib bir ölkəyə çevrilib.

Bu gün Azərbaycan dünyaya açılan bir qapı, qitələri birləşdirən böyük layihələrin müəllifi olan dövlətdir. Biz bütün bu uğurlara görə Ulu öndərə borcluyuq”.

Tarix
2019.06.11 / 12:44
Müəllif
Büllurə Yunus
Şərhlər
loading...
Digər xəbərlər

Putin Gürcüstana uçuşları ləğv etdi: İstiqamət Azərbaycana...

İlham Əliyev onlara general rütbəsi verdi: 3 sərəncam

Ramil Usubov BDU-da: Buraxılış işləri... - Foto

Zakir Həsənov ordumuza səsləndi: İstənilən döyüş əmri...

İlham Əliyev Xorvatiya və Sloveniyaya məktub ünvanladı

Özoraldan Türkiyədəki seçkilərə - Münasibət

"İmamoğlunun qələbəsi Ərdoğanın xeyrinə olacaq"

AKP İstanbulu uduzdu: Nələr olacaq? – Şərh

Fuad həbs edilməli idi, yaxşı qurtardı - Kuznetsov

Proqnozu doğrulmayan ekspert: Yıldırım niyə uduzdu?

KULT
<>
Xəbər xətti
 
e-vetendash
Axar.az'da reklam Bağla
Reklam
Bize yazin Bağla