15 iyunda əhəmiyyətli hadisə baş verdi. Bu məsələnin kökünü zaman-zaman araşdırmağa, düşünməyə dəyər.

Axar.az xəbər verir ki, bu sözləri deputat Aydın Mirzəzadə Feysbukda video çıxışında 15 iyun Qurtuluş Günü haqda danışarkən bildirib. Onun sözlərinə görə, həmin gün Heydər Əliyev Ali Sovetin sədri seçildi:

“İndiki nəsil bilməlidir ki, həmin dövrdə dramatik proseslər baş verirdi. Ermənistan daxili çəkişmələrdən istifadə edərək, Bərdə, Yevlax, Gəncəni də işğal etmək istəyirdi. Eyni zamanda separatçılıq meyilləri baş qaldırmışdı. Belə faciəvi vaxtda xalq nicatını Naxçıvan Ali Məclisinin sədri Heydər Əliyevin hakimiyyətə gətirilməsində gördü. Sürət Hüseynovun qiyamı qarşısında acizlik göstərən AXC-Müsavat cütlüyü də Heydər Əliyevin ali hakimiyyətdə təmsil olunmasının alternativi olmadığı qənaətinə gəlmişdilər”.

A.Mirzəzadə deyib ki, Azərbaycanın bölgələrə parçalanması, Liviya, Suriya, Yəmənin hazırkı vəziyyətinə düşməsi ssenarisi hazırlanmışdı:
“Çox şükür ki, ən yaxşı variant oldu. 15 iyun Azərbaycanın yeni yolunun ilk günü oldu”.