Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
1 İyun 2020


Bunun qarşısı alınmasa, ölkəyə yayıla bilər - Ekspert

Ana səhifə Gündəm
12 Punto 14 Punto 16 Punto 18 Punto

Azərbaycanda intihar sosial baxımdan tətqiq olunmayan problemlərdən biridir və intiharların baş vermə səbəbləri demək olar ki, elmi səviyyədə araşdırılmır.

Bu sözləri Axar.az-a açıqlamasında sosioloq Cavid İmamoğlu son dövrlər müxtəlif yaş qrupundan olan insanlar arasında intihar hallarının artması ilə bağlı danışarkən deyib. O, cəmiyyətdə intiharla bağlı xəbərlərin yayılmasının mövcud vəziyyətə mənfi təsir göstərən əsas faktorlardan biri olduğunu söyləyib:

“Ümumiyyətlə, intiharlarla bağlı xəbərlərin yayılması arzuolunmazdır. Çünki bu elə bir sosial epidemiyadır ki, əgər vaxtında qarşısı alınmasa, doğrudan da ölkə səviyyəsində genişlənə bilər. İntihar xəbəri digər intihar etmə ərəfəsində olan şəxslər üçün bəhanə ola bilər. İlk növbədə bunun qarşısının alınması üçün medianın intihar xəbərləri üzərindən şou yaratmasına son verilməlidir.

İntihar qarşısı alına bilən sosial problemdir. İntihar etmək istəyən şəxslərə vaxtında yardım olunarsa, psixoloji və ya maddi dəstək göstərilərsə, onları bu fikirdən daşındırmaq olar”.

Sosioloqun sözlərinə görə, məyusedici məqamlardan biri də odur ki, bu gün ölkə reallığında intihar etmək istəyən şəxslərə xidmət edə biləcək xüsusi reabilitasiya mərkəzləri və yaxud da qaynar xətlər mövcud deyil:

“Ona görə də bir çox hallarda intihar etmək ərəfəsində olan şəxslər çarəsiz qalırlar. Cəmiyyət onları başa düşmür, müxtəlif fərdlərin, eləcə də yeniyetmələrin mesajlarını görməzdən gəlirlər. Biri “həyatıma son vermək istəyirəm” deyəndə insanlar soyuqqanlı münasibət göstərir və nəticə etibarilə intihar düşüncəsi ilə alışıb-yanan şəxslər uyğun zaman gələndə intihara əl atırlar. Bütün bunların qarşısının alınması üçün ölkədə intihar mövzusunda sosial tədqiqatlar keçirilməli və bunun nəticələrinə uyğun olaraq intiharların qarşısını alacaq tədbirlər görülməlidir. Bu, istər media, istər maarifləndirmə işləri, istərsə də intihar etmək riski altında olan şəxslərə reabilitasiya yönümlü işlər olmalıdır. Yəni bu işlə məşğu ola biləcək xüsusi mərkəzlər açılmalı və mütəxəssislər formlaşdırılmalıdır”.

Sosioloq həmçinin Azərbaycanda intihar riski ilə işləyən psixoloqların hazırlanmasının vacibliyinə diqqət çəkib:

“Bu gün ölkə səviyyəsində mövcud psixoloqların intiharla işləməklə bağlı xüsusi bilikartırma təlimləri keçməsinə, xaricdə bu sahə ilə bağlı mərkəzlərdə təcrübə toplamasına böyük ehtiyac var.

Heç bir halda ölkədə baş verən intiharlara qarşı laqeyd qalmaq olmaz. Aidiyyəti qurumlar bu məsələ ilə bağlı ciddi işlər aparmalıdır. Səhiyyə Nazirliyi ölkədə insanların sağlamlığına cavabdeh qurum olduğu üçün əsas öhdəlik bu qurumun üzərinə düşür”.

Tarix
2019.06.16 / 10:12
Müəllif
Büllurə Yunus
Şərhlər
Digər xəbərlər

Markaryana vəkillik edən azərbaycanlı siyasilər...

Karantin rejimi uzadıldı

Paşayeva İLESAM-ın virtual konfransında...

Meksika mediası: Azərbaycan iri addımlarla irəliləyir...

Gürcü-azərbaycanlı qarşıdurması barədə - Bəyanat

Qurgeni ona görə öldürdüm - Səfərovun tarixi çıxışı

Sosial şəbəkələrə əl qoyulur: sui-istifadə dövrü bitəcək?

Trampın qərarı Bakıda da müzakirə edilsin - Deputat

Şuşa təxribatının nəticəsi... – ATƏT PA vitse-prezidenti

Prezident bu sözü təsadüfən demədi: Hərbi variant… - Video

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla