Ermənistan və Azərbaycan xarici işlər nazirlərinin Vaşinqton görüşü Qarabağ konfliktinin həllində dönüş nöqtəsi ola bilər.

Axar.az xəbər verir ki, bu sözləri öz Feysbuk səhifəsində Ermənistanın Respublikaçılar Partiyasının sədr müavini Armen Aşotyan deyib.

“Hazırkı hökumətin bir ildir həyata keçirdiyi danışıqlar strategiyası yalnız Ermənistan diplomatiyasının keçmişdə topladığı kapitalı yox edir. Cinayətkarcasına ehtiyatsızlıq ucbatından Vyana-Sankt-Peterburq-Cenevrədəki danışıqlar Düşənbədəki liftdə olan mövqe ilə dəyişiləndə çox sürətli şəkildə aydın oldu ki, Azərbaycan bizi küncə sıxmaq üçün ikinci nəfəs əldə edib. Vaşinqton görüşü yəqin ki, öz səhvlərimizi düzəltmək, danışıqlar masası arxasında mənasız şəkildə əldən verdiyimiz kartları geri qaytarmaq üçün son şansımızdır”, – deyə o bildirib.