Prezident İlham Əliyev aktrisa Vəfa Zeynalovaya ev hədiyyə edib.

Kult.az-ın məlumatına görə, bu barədə V.Zeynalova öz Feysbuk səhifəsində paylaşım edib və dövlət başçısına təşəkkürünü bildirib.

“Azərbaycan Respublikasının Prezidenti cənab İlham Əliyevə!

Möhtərəm cənab Prezident!

Bu gün Azərbaycan Silahlı Qüvvələrin yaranmasından 101 il keçir. Bu bayram münasibəti ilə Siz başda olmaqla bütün Azərbaycan xalqını ürəkdən təbrik edirəm!

Bu bayram günündə mənim səhnə fəaliyyətimi yüksək qiymətləndirərək ev hədiyyə etdiyinizə görə Sizə dərin minnətdarlığımı bildirirəm.

Sizin incəsənət xadimlərinə verdiyiniz dəyər, göstərdiyiniz diqqət və qayğı bizə qürur və fərəh verir. Mənə və ailəmə bu sevinci yaşatdığınıza, sənətə və sənətkarlara sahib çıxmağınıza görə Sizə bir daha sonsuz təşəkkürümü bildirirəm.

Allah Dövlətimizi, Xalqımızı və Sizi qorusun!”