Ana səhifə Gündəm |
Hesab edirəm ki, Donald Tuskun Azərbaycan rəhbərliyi ilə görüşü regionu daha dərindən tanımağa və Dağlıq Qarabağ probleminin ciddiliyini anlamağa imkan yaradacaq.
Bu sözləri Axar.az-a açıqlamasında millət vəkili Aydın Mirzəzadə Avropa İttifaqı Şurasının Prezidenti Donald Tuskun Azərbaycana səfəri haqqında danışarkən deyib. O bildirib ki, Tuskun ölkəmizə səfəri gələcəkdə əlaqələrin daha da genişlənməsinə səbəb olacaq:
“Avropa İttifaqı Şurasının Prezidenti Donald Tuskun Azərbaycana səfəri ölkəmizlə bu nüfuzlu təşkilat arasında əlaqələrin yüksək səviyyədə olduğunu göstərir. Həmçinin, bu görüşün əsas məqsədindən biri tərəflər arasında mövcud əlaqələrin daha da genişlənməsi və yeni sahələrdə əlaqələrin qurulması idi. Eyni zamanda beynəlxalq aləmdə gedən proseslər barəsində fikir mübadiləsi aparmaq da bu görüşün əsas mahiyyətindən biri idi. Çünki Azərbaycanın regionda stabilliyin və təhlükəsizliyin qorunmasına verdiyi töhfə Avropa İttifaqı tərəfindən yüksək qiymətləndirilir”.
Qeyd edək ki, Avropa İttifaqı Şurasının Prezidenti Donald Tusk iyunun 8-i və 9-u Azərbaycanda səfərdə olub.
Tarix
2019.07.10 / 15:03
|
Müəllif
Mahir Ələkbərov
|