S-400-lər Türkiyəyə böyük bir şey qazandırmayacaq.

Bu sözləri Axar.az-a ABŞ Qulf Analitik Mərkəzinin eksperti, politoloq Teodor Karasik bu gün Türkiyəyə çatdırılmasına başlanılan S-400 raket sistemləri haqda danışarkən deyib.

“Proseslərin start götürdüyü gündən bu vaxta kimi təkrarladığ6ım bir şey var: S-400 raket sistemləri sadə şəkildə NATO sistemləri sırasına qoşula bilməz. Bu problem mövcuddur, aktualdır. Buna baxmayaraq, media və özünü ağıllı hesab edən bir sıra şəxslər sözügedən məsələ ilə bağlı danışmaqdan boyun qaçırırlar.

Türkiyənin ABŞ-a və üzvü olduğu NATO-ya qarşı itaətsizliyi gözləntilərdən kənar hərəkət kimi hesab olunmalıdır. ABŞ digər ölkələrin oxşar addımlar atmasının qarşısını almaq üçün sanksiyalar tətbiq edəcək və CAATSA qanununu tətbiq edəcək”, - Karasik bildirib.

Politoloq bildirib ki, sanksiyalar sırasında Hindistan da ilk yerdədir:

“Silah sistemlərinin satışı və alışı ilə bağlı Tramp Administrasiyası ilə aparılan müzakirələr yekunlaşdıqda S-400-in xüsusi ölkələrə satışı hər bir halda yoxlanılacaq”.