Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Sentyabr 2019


O, həqiqəti dedi, müxalifət isə təhqirə keçdi... - Deputat

Ana səhifə Gündəm
12 Punto 14 Punto 16 Punto 18 Punto

Azərbaycan müxalifətinin son dövrlərdə qəribə bir xüsusiyyəti üzə çıxıb. Onlar hesab edirlər ki, istədikləri mövzuya münasibət bildirə, hakimiyyəti tənqid edə, görülən işlərə kölgə sala bilərlər, amma hakimiyyət nümayəndələri susmalı, ümumiyyətlə, onların fikirlərinə heç bir cavab verməməlidir.

Bu sözləri Axar.az-a açıqlamasında millət vəkili Aydın Mirzəzadə deyib.

O, müxalifətin Yeni Azərbaycan Partiyasının (YAP) sədr müavini - İcra katibi Əli Əhmədovun siyasi mühacirlərlə bağlı fikirlərinə yanlış münasibət göstərdiyini bildirib:

"Müxalifət nümayəndələri özlərini demokrat adlandırsalar da, bu metodları demokratiyanın əzəli prinsiplərinə kökündən ziddir. Demokratiya hər kəsin, hər bir siyasi qüvvənin öz fikrini açıq şəkildə bildirməsi, polemikaya girməsi, tənqid etməsini nəzərdə tutur. Əli Əhmədov müxalifət barəsində öz fikirlərini ortaya qoydu. Onun fikirləri tamamilə obyektiv idi.

Müxalifətin Azərbaycanın maraqlarına uyğun hərəkət etməməsi, əsasən xaricdəki mərkəzlərin maraqlarını ölkəmizdə müdafiə etməsi, milli təəssübkeşlikdən uzaq olması, ölkəmizin qarşısında duran problemlərin həllinə dair heç bir proqram irəli sürməməsi onun xarakteristikasıdır.

Ə.Əhmədov polemika qaydalarını gözləyərək, kifayət qədər yüksək mədəniyyət və təmkinlə öz fikirlərini bildirib".

A.Mirzəzadənin sözlərinə görə, müxalifət növbəti dəfə səsləndirilən fikirlərə cavab vermək əvəzinə təhqirdən istifadə edir:

"Onlar Əli Əhmədovla polemikaya girmək, onun fikirlərinə öz arqumentlərini ortaya qoymaq əvəzinə təhqirə, küçə metodlarına keçməyə başladılar. Bunun özü bir daha göstərdi ki, Əli Əhmədov fikirlərində kifayət qədər haqlıdır.

Əli müəllim bugünkü müxalifəti Azərbaycanın quruculuğunda iştirak etməyə, ölkənin yükünün bir hissəsini öz çiynində daşımağa çağırdı. Biz bunu müxalifətdən görmürük. Müxalifət üçün Azərbaycanın problemlərinin çox olması, xarici dövlətlərdən, müəyyən siyasi, iqtisadi dairələrdən asılılığı daha maraqlıdır".

Tarix
2019.08.22 / 09:07
Müəllif
Büllurə Yunus
Şərhlər
Digər xəbərlər

Hərbçimiz həlak oldu

Bu sadizmdir: Sunayın ayağı sınanda... - Professor

Ermənilərin məhsulunu Bakıya gətirən və satan şəbəkə - Video

Dünyadan gizlədilir: ABŞ bu müharibəni uduzdu

Bu, sosial siyasətin yeni mərhələsidir - Millət vəkili

İran səfiri təkzib etdi: Dağlıq Qarabağ erməniləri...

İsa Qəmbərdən Qəhrəmanlı olayına maraqlı yanaşma

Deputatın borc qalmaqalı böyüdü: Başqalarından da alıb...

Azay Quliyev seçiciləri ilə görüşdü - Foto

Fuad Qəhrəmanlının xanımını döyməsi ilə bağlı - Fotofakt

KULT
<>
Xəbər xətti
 
e-vetendash
Axar.az'da reklam Bağla
Reklam
Bize yazin Bağla