Almaniyada siyasi mühacir alverində və saxta sənəd hazırlamaqda şübhəli bilinən azərbaycanlıların saxlanılması ilə bağlı məsələ araşdırılır.

Bu sözləri Axar.az-a açıqlamasında Diasporla İş üzrə Dövlət Komitəsinin Avropa şöbəsi üzrə böyük məsləhətçisi Zaur Salmanov deyib. O, araşdırmalardan sonra mətbuata geniş açıqlama veriləcəyini söyləyib.

Daxili İşlər Nazirliyinin İnsan Alverinə qarşı Mübarizə Baş İdarəsindən isə hadisə ilə bağlı quruma hər hansı müraciət daxil olmadığı bildirilib.

Qeyd edək ki, Almaniya hüquq-mühafizə orqanlarının Frankfurt, Köln, Viesbaden, Koblens vә Düsseldorf şәhәrlərində həyata keçirdiyi əməliyyat nəticəsində siyasi mühacir alverində və saxta sənəd hazırlamaqda şübhəli bilinən 8 azərbaycanlı saxlanılıb.