Ana səhifə Gündəm |
Bu gün Bakıda Azərbaycanla Rusiya arasında gömrük sahəsində əməkdaşlığa dair bir sıra məsələlər müzakirə olunaraq bir neçə sənəd imzalanacaq.
Report-un verdiyi xəbərə görə, bunu Azərbaycan Dövlət Gömrük Komitəsinin (DGK) sədri Aydın Əliyev jurnalistlərə açıqlamasında bildirib.
"Müzakirə olunan bir sıra məsələlər var. Bunlardan əsası bu gün imzalanmayacaq. Amma artıq bu məsələyə baxılıb və razılığa gəlmişik. İki ölkə arasında ixracı asanlaşdıracaq sənəd imzalanacaq. Hazırda sənəd dövlətdaxili prosedurları keçir. Bu, Azərbaycanda tez xarab olan və eyni zamanda tez xarab olmayan emal məhsulları, aksizli məhsullar istisna olmaqla bütün məlumatlara şamil olunaq", - deyə A.Əliyev qeyd edib.
DGK sədri bildirib ki, eyni zamanda daha iki sənədin imzalanması nəzərdə tutulub.
"Bunlardan biri statistik məlumatların mübadiləsidir, digəri 2015-2016-ci illərdə birgə fəaliyyət planıdır. Fəaliyyət planında qaçaqmalçılıq sahəsində mübarizə ilə bağlı tədbirlərin keçirilməsi, Ekspertiza İdarəsi ilə Rusiya Mərkəzi Gömrük Laboratoriyası arasında təcrübə mübadiləsi və s. məsələr nəzərdə tutulub. Bundan başqa, bir sıra digər məsələlər də müzakirə olunacaq", - deyə Komitə sədri əlavə edib.
Qeyd edək ki, Rusiya Federal Gömrük Xidmətinin sədri Andrey Belyaninov Azərbaycanda işgüzar səfərdədir.
Tarix
2015.02.04 / 12:00
|
Müəllif
Axar.az
|