Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
9 Dekabr 2019


Vilayət Eyvazov Aktaşla görüşdü... - Foto

Ana səhifə Gündəm
12 Punto 14 Punto 16 Punto 18 Punto

Dekabrın 2-də Daxili İşlər naziri, general-polkovnik Vilayət Eyvazov ölkəmizdə səfərdə olan Türkiyə Baş Polis İdarəsinin rəisi Məhməd Aktaşın başçılıq etdiyi nümayəndə heyəti ilə görüşüb.

Daxili İşlər Nazirliyinin mətbuat xidmətindən Axar.az-a bildiriblər ki, qonaqları salamlayan nazir Məhməd Aktaşı Türkiyə Baş Polis İdarəsinin rəisi vəzifəsinə təyin olunması münasibətilə təbrik edib, ona xidməti fəaliyyətində uğurlar arzulayıb.

İki qardaş ölkə arasındakı münasibətlərin dərin tarixi köklərə malik olduğunu məmnunluqla xatırladan general-polkovnik Vilayət Eyvazov müstəqilliyin bərpasından sonra Azərbaycan-Türkiyə əlaqələrinin hər zaman yüksələn xətlə inkişaf etdiyini, ulu öndər Heydər Əliyevin bu sahədəki misilsiz xidmətlərini, onun “Bir millət, iki dövlət” siyasətinin Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan tərəfindən uğurla həyata keçirildiyini vurğulayıb. Nazir dövlətlərimizin başçılarının siyasi iradəsi və qarşılıqlı səfərləri nəticəsində dost və qardaş ölkələrimiz arasındakı münasibətlərin dünyaya bir nümunə olduğunu, Məhməd Aktaşın bu səfərinin də ölkələrimizin Daxili İşlər nazirlikləri arasında əməkdaşlığın daha da genişlənəcəyinə xidmət edəcəyinə əminliyini bildirib.

Cəmiyyət həyatının bütün sahələrində olduğu kimi, təhlükəsizliyin də möhkəmləndirilməsinə və inkişaf etdirilməsinə xüsusi önəm verildiyini, bu gün Azərbaycan Polisinin, Daxili Qoşunların peşəkar səviyyədə fəaliyyət göstərdiyini, ictimai asayişin qorunmasında, cinayətkarlıqla mübarizədə müsbət nəticələr qazanıldığını nəzərə çatdıran nazir V.Eyvazov bu sahədə Türkiyə Daxili İşlər Nazirliyinin, o cümlədən Baş Polis İdarəsinin və Jandarm Komandanlığının rolunu, xidmətlərini məmnunluqla xatırladıb. Nazir buna görə Məhməd Aktaşın şəxsində Türkiyə Daxili İşlər Nazirliyinin, o cümlədən Jandarm Qüvvələrinin rəhbərliyinə təşəkkür edib.

Daha sonra o, Daxili İşlər Nazirliyinin funksional vəzifələri və fəaliyyət istiqamətləri, mövcud kriminogen durum, həmçinin ölkəmizin son illərdəki sürətli inkişafını şərtləndirən əsas amillərdən olan dönməz ictimai-siyasi sabitliyin, əmin-amanlığın etibarlı şəkildə qorunması barədə məlumat verib.

Problemlərə toxunan Vilayət Eyvazov transmilli mütəşəkkil cinayətkarlığın əsas növlərindən olan narkotiklərin qanunsuz dövriyyəsi və qeyri-qanuni miqrasiya ilə mübarizənin ölkəmizdə də diqqət mərkəzində saxlanıldığını, qlobal xarakter almış terrorçuluğun bütün forma və təzahürlərinin tərəfimizdən də kəskin şəkildə qınandığını, belə təhlükələrə qarşı yalnız birgə səylərlə səmərəli mübarizənin aparılmasının mümkünlüyünü vurğulayıb.

Səmimi görüşə, xoş sözlərə və ətraflı məlumata görə təşəkkür edən Türkiyə Baş Polis İdarəsinin rəisi Məhməd Aktaş ölkəsinin Daxili İşlər naziri Süleyman Soylunun salamlarını general-polkovnik Vilayət Eyvazova çatdırıb.

O, qardaş Azərbaycanın qısa müddətdə qürur duyulacaq səviyyədə möhtəşəm inkişaf yolu keçməsindən, əlaqələrimizin günbəgün genişlənməsindən məmnunluğunu ifadə edib. Qonaq deyib ki, dost və qardaş dövlətlərimiz dünyada və bölgədə sülhün və ədalətin bərqərar edilməsinə, əmin-amanlığa və ictimai təhlükəsizliyə ciddi təhdid olan qlobal problemlərə, o cümlədən mütəşəkkil cinayətkarlığın bütün təzahürlərinə qarşı hər zaman vahid mövqedən və birgə səylərlə çıxış edir.

M.Aktaş iki ölkənin müvafiq orqanları arasındakı faydalı işbirliyini yüksək qiymətləndirib, əlaqələrin inkişafı üçün bundan sonra da səylərini əsirgəməyəcəklərini, belə əməkdaşlığın, təcrübə mübadiləsinin xalqlarımızın və ölkələrimizin mənafelərinə xidmət etdiyini bildirib.

Dostluq və mehribanlıq şəraitində keçən görüşdə tərəfləri maraqlandıran digər məsələlər də müzakirə olunub.

Qəbulda Türkiyənin Azərbaycandakı səfiri Ərkan Özoral iştirak edib.

Tarix
2019.12.02 / 20:43
Müəllif
Axar.az
Şərhlər
Digər xəbərlər

Prezidentdən heç kəsin gözləmədiyi qərar...

Zurabişvili İlham Əliyev barədə: Ən uğurlu lider...

Ziya Bünyadovun oğlu dünyasını dəyişdi

İki partiya seçkiyə namizədlərini təsdiqlədi

Şamaxı sakini Prezidentin evinə qonaq gəlməsindən danışdı

Onun yanındakı insanlar hər dəfə məyus olmaq istəmirsə...

Baş nazir təsdiqlədi: Hakimlərə məzuniyyət haqqı..

Şahin Mustafayevə yeni vəzifə verildi

Prezident: Bura mühafizə olunmalıdır, gözətçilər...

Prezidentdən nazirə: Gələndə gördüm ki, yolboyu...

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla