"Cənub qaz dəhlizi təkcə neft və qaz koridoru deyil".

Axar.az xəbər verir ki, bu sözləri Milli Məclisin Beynəlxalq Əlaqələr Komitəsinin rəhbəri Səməd Seyidov "Vaşinqton Tayms" ("The Washington Times") qəzetinin təşkilatçılığı ilə keçirilən "ABŞ-Azərbaycan müttəfiqliyi nə üçün əhəmiyyətlidir?" konfransında çıxışı zamanı deyib.

O, Amerikanın hazırda regionda çox az dosta sahib olduğunu bildirib:

"Biz məhz buna görə istəyirik ki, regiona daha çox diqqət ayrılsın. ABŞ Avrasiyaya münasibətdə dəqiq və uzunmüddətli geosiyasi strategiya müəyyənləşdirməlidir. Əks halda Vaşinqton regionu itirə bilər. Cənub Qaz Dəhlizi təkcə neft və qaz koridoru deyil, bu həm də azadlıq koridorudur".