2020-ci il fevralın 9-da Azərbaycanda keçiriləcək növbədənkənar parlament seçkilərində yəhudi əsilli namizədlər də iştirak edəcək.

Axar.az xəbər verir ki, bunu Modern.az-a açıqlamasında Quba rayonu Qırmızı qəsəbə Dağ Yəhudiləri dini icmasının sədri Yuri Naftaliyev deyib.

"2020-ci ildə keçiriləcək növbədənkənar parlament seçkilərində bizim icma üzvlərimizdən namizədliyini irəli sürənlər olacaq. Lakin hələ ki, tam say və adlar bilinmir. Yaxın zamanlarda yəqin ki, deputatlığa namizədliyini verənlərin adını biləcəyik”, - deyə icma rəhbəri bildirib.

Xatırladaq ki, bir neçə gün əvvəl vəfat edən beşinci çağırış Milli Məclisin deputatı Yevda Abramov da yəhudi əsilli idi.