Ana səhifə Gündəm |
Prezident İlham Əliyevin fərmanı ilə ləğv edilən Dövlət Torpaq və Xəritəçəkmə Komitəsində çalışan bəzi işçilər ixtisar ediləcək.
Bu barədə Axar.az-a komitədə çalışan işçilər məlumat verib. Onların sözlərinə görə, işçilərin bir qismi aidiyyəti üzrə Əmlak Məsələləri üzrə Dövlət Komitəsinə, bir qismi isə Ekologiya və Təbii Sərvətlər Nazirliyinə göndəriləcək. Artıq bununla bağlı bəzi yerləşdirmələr də həyata keçirilib.
Lakin komitədə çalışan bəzi işçilərin ixtisar ediləcəyi də bildirilir.
Məsələ ilə bağlı rəsmi münasibət öyrənmək üçün komitəylə əlaqə saxladıq. Gün boyu açıqlama veriləcəyi bildirilsə də, sonda heç bir cavab ala bilmədik.
Qeyd edək ki, Prezident İlham Əliyev Dövlət Torpaq və Xəritəçəkmə Komitəsinin ləğv edilməsi haqqında fərman imzalayıb. Ləğv edilən komitənin səlahiyyətlərinin bir qismi Əmlak Məsələləri üzrə Dövlət Komitəsinə, bir qismi isə Ekologiya və Təbii Sərvətlər Nazirliyinə verilib.
Tarix
2015.02.07 / 08:00
|
Müəllif
İlham Sahiloğlu
|