ATƏT-in Minsk qrupunun həmsədrləri ilə təşkilatın fəaliyyətdə olan sədri, Serbiyanın xarici işlər naziri İvitsa Daçiç birgə bəyanatla çıxış ediblər.

Report xəbər verir ki, ATƏT-in rəsmi saytında yerləşdirilən bəyanatda, vasitəçilər münaqişə tərəflərini siyasi iradə nümayiş etdirərək danışıqlar prosesini aktivləşdirdməyə çağırıblar.

Həmsədlər danışıqlar prosesinə töhfə verməyə hazır olduqlarını, həmçinin bölgədə yaşanan gərginliyinin azaldılmasının vacib olduğunu vurğulayıblar.

Qeyd olunur ki, münaqişə bölgəsində artan gərginlik bütün region üçün ciddi təhlükə mənbəyidir və bu vəziyyət xüsusi ilə dinc sakinlərin həyatını təhlükə altına qoyur.

"Yanvar ayı ərzində 12 nəfər həlak olub, 18 nəfər yaralanıb. Halbuki 2014-cü il ərzində bu rəqəm ümumilikdə 60 civarındaydı. Biz bu tendensiyadan narahatıq. Münaqişənin hərbi yolla həlli mümkün deyil. Tərəflər güc istifadə etməkdən çəkinməlidir" - deyilən sənəddə, o da qeyd olunur ki, meyitlərin və əsirlərin qaytarılması kimi humanitar məsələlər öz həllini tapmalıdır.