Ölkənin aparıcı siyasi gücü olan Yeni Azərbaycan Partiyası 61 saylı Neftçala seçki dairəsindən Gültəkin Zakir qızı Sadıqovanın namizədliyini irəli sürüb.

Axar.az xəbər verir ki, həmin dairədən ən ciddi namizəd xalq şairi, keçmiş millət vəkili, Vətəndaş Həmrəyliyi Partiyasının sədri Sabir Rüstəmxanlıdır. Sabir Rüstəmxanlı bir neçə gün öncə 61 saylı Neftçala seçki dairəsindən namizədliyini irəli sürdüyünü elan edib.

YAP-ın təqdim etdiyi namizəd Gültəkin Sadıqova isə Neftçala icra başçısının müavini - İctimai siyasi və humanitar məsələlər şöbəsinin müdiridir.

Mübarizənin bu iki namizəd arasında gedəcəyi ehtimal edilir.