Rusiya Azərbaycanla energetika sahəsində qarşılıqlı fəaliyyətə dair razılaşma imzalanması işini sürətləndirir.

Axar.az Ria.ru-ya istinadla bildirir ki, bu barədə Rusiya Baş nazirinin müavini Arkadi Dvorkoviç məlumat verib. Bakıya işgüzar səfəri çərçivəsində Dvorkoviç Azərbaycanın Energetika naziri Natiq Əliyevlə danışıqlar aparıb. Baş nazirin müavini bildirib ki, Azərbaycan və Rusiya hökumətləri bir neçə sənədin imzalanmasını müzakirə edirlər.

Söhbət 2020-ci ilədək investisiyalar sahəsində əməkdaşlıq planından, o cümlədən iki ölkənin energetika sisteminin sinxronizasiyası üzrə razılaşmadan, Rusiya fondu ilə Azərbaycan Dövlət Neft Fondu arasında investisiya fondunun yaradılmasından gedir.

"Bu razılaşma ticarət-investisiya sahəsində iqtisadi layihələr üçün əsasdır. Mən Moskvaya qayıdanda işlərin sürətləndirilməsi üçün zəruri göstərişləri verəcəm", – deyə Baş nazirin müavini bildirib.