"Dağlıq Qarabağda bu il müharibə olmayacaq".

Axar.az xəbər verir ki, bu açıqlama ilə Karnegi Fondunun analitiki Tomas de Vaal çıxış edib.

O, bu il cəbhənin təmas xəttində vəziyyətin əvvəlki illərdən daha təhlükəli olduğunu bildirib:

"Azərbaycanlılar və ermənilərin təmas xəttində bir-birinə qarşı təhdidlərə baxmayaraq, hələ tərəflərdən heç biri daha dərinə getmək istəyini göstərməyib. Bu il siqnallar daha narahatedici olub. Yanvar ayı adətən cəbhənin təmas xətti üçün daha sakit olur. Lakin bu il təmas xəttində 12 nəfər ölüb, 18 nəfər isə yaralanıb. Azərbaycan məğlub ölkədir və onun yenidən özünün torpaqlarını geriyə qaytarmaq üçün daha böyük stimulu var. Əgər bu konflikt yenidən nə zamansa qızışsa, o, Azərbaycan və Ermənistan arasında genişmiqyaslı müharibəyə çevriləcək. Azərbaycan bu gün əvvəlki 10 illə müqayisədə daha güclü ölkədir. Lakin Ermənistan da zamanla Bakıya, dünyaya və öz xalqına göstərir ki, onlar hərbi baxımdan heç də zəif deyillər. Bütün bunlar Qarabağ ətrafındakı situasiyanı Ukrayna hadisələri və tutqun geosiyasi konteksti nəzərə almadan belə daha təhlükəli edir. Təcili olaraq problemə nəzər yetirib yaza və uzun, isti, potensial təhlükə olan yaya qədər bölgədə yaranmış situasiyanı zəiflətmək lazımdır".