Speys TV-nin efirində yayımlanan “Sadə həqiqətlər” verilişinin qonağı tanınmış politoloq, sabiq dövlət müşaviri Qabil Hüseynli verilişin efirə gedən hissəsinə etiraz edib.

Axar.az xəbər verir ki, politoloq verilişdə aparıcının suallarına verdiyi cavabların əksəriyyətinin montajda qayçılandığını bildirib.

“Aparıcı Vaqif müəllif (“Sadə həqiqətlər” verilişinin aparıcısı və müəllifi, Speys TV-nin rəhbəri Vaqif Mustafayev nəzərdə tutulur – red.)prokuror ədası ilə mənə suallar verib, amma cavabları verilişdən çıxarıb. Onu qınamağa söz tapa bilmirəm”, - Q.Hüseynli bildirib.

Qeyd edək ki, Q.Hüseynlinin sözügedən verilişdəki açıqlaması maraqla qarşılanıb.