"Ermənistanda hakimiyyəti dəyişən Rusiyadır".

Axar.az xəbər verir ki, bu açıqlama ilə politoloq Ərəstun Oruclu öz Feysbuk səhifəsində çıxış edib.

O, İrəvanda olan hakimiyyət dəyişikliyinin Azərbaycana hərbi uğur gətirməyəcəyini bildirib:

"Ermənistanda hakimiyyət uğrunda dava qızışır, amma bundan istifadə eləməklə hərbi uğura nail olacağımızı düşünmək ən yaxşı halda sadəlövhlükdür. Ona görə ki, Ermənistanda hakimiyyəti dəyişən Rusiyadır. Elə isə o özünə daha sadiq yeni komandanı hakimiyyətə hansı məntiqlə və nəyə görə məğlub kimi gətirməlidir?! Bir erməni ailəsinin qətlinə görə Rusiyanı nifrət hədəfinə çevirən ermənilərin Qarabağın itirilməsinə görə ona hansı münasibət ortaya qoyacaqlarını Moskvada nəzərə almırlar? Maraqlı suallardır, elə deyilmi? Amma bunlar xeyli mümkün suallardan hələ cəmi ikisidir".