"Azərbaycan Prezidenti İlham Əliyevin Xəzərdən əldə ediləcək təbii qazın Avropa üçün tək mənbə olacağını söyləməsi o deməkdir ki, "Türk axını"ndan Avropa istifadə etməyəcək".

Axar.az xəbər verir ki, bu sözləri rusiyalı politoloq Stanislav Tarasov bildirib.

Xəzərdən təbii qazın əldə edilməsində tək problemin bu dənizin hüquqi statusu məsələsinin olduğunu deyən Tarasov Əliyevin açıqlamalarının Avropa üçün bir ümid olduğunu vurğulayıb.

Avropa Komissiyasının "Cənub qaz dəhlizi" layihəsini layihələr içərsində ən real hesab etdiyini bildirən rus politoloq Türkiyə ilə enerji sahəsində yeni razılığın AB üçün vacib olduğunu söyləyib:

"Brüssel güman edir ki, Avropa Türkiyəyə gələcək Rusiya qazından almayacaq. Avropa "Cənub qaz dəhlizi" layihəsini rus qazından imtina üçün ən real imkan hesab edir".