Yuxarı

Heydər Əliyev bu barədə dəfələrlə danışıb - Slutski

Ana səhifə Gündəm
12 Punto 14 Punto 16 Punto 18 Punto

Mən Bakıya gələndə, ilk növbədə, Fəxri xiyabanda Heydər Əliyevin məzarını və Şəhidlər xiyabanını ziyarət edirəm. Bakıya səfərimin müddəti nə qədər qısa olsa belə, bu ənənəni heç vaxt pozmuram.

Axar.az xəbər verir ki, RF Dövlət Dumasının deputatı Leonid Slutski bu sözləri Azərbaycanın Moskvadakı səfirliyində Qara Yanvar faciəsi qurbanlarının xatirəsinə həsr edilmiş anım mərasimində söyləyib.

Rusiyalı deputat deyib: “Bakını Şəhidlər xiyabanı və “Əbədi məşəl” olmadan təsəvvür etmək mümkün deyil. Biz Şəhidlər xiyabanını ziyarət edərkən hər bir memorial abidənin yanında ayaq saxlayırıq. Həmin gün gənclər, təzə evlənənlər, zabitlər, ziyalıların nümayəndələri həlak olub. Lakin çox qəribədir, onların arasında heç bir siyasətçi, heç bir fəal yox idi. Bu qərarın qəbul edilməsi mexanizmi bizə hələ də aydın deyil. Məncə, bu təhqiqata yenidən qayıtmaq lazımdır, çünki o dövrdə sovet məkanında bundan qəribə hadisə olmayıb. Bu dəhşətli faciəyə heç cür bəraət qazandırmaq olmaz. Əlbəttə, biz və bizdən sonrakı nəsillər bugünkü firavanlaşan Azərbaycan uğrunda canlarından keçmiş adamların hər birini ömrümüz boyu xatırlayacaq və ehtiramla yad edəcəyik”.

L.Slutski vurğulayıb ki, Azərbaycan xalqının ümummilli lideri Heydər Əliyev bu faciənin dəhşəti barədə dəfələrlə danışıb. O deyib: “Bugünkü Azərbaycan dövlətinin banisi böyük Heydər Əliyev yanvarın 20-də baş vermiş faciənin dəhşəti, burada zərrə qədər sağlam düşüncə olmaması barədə Azərbaycan Respublikasının Rusiya Federasiyasındakı indiki səfirliyinin binasında çıxışından başlayaraq dəfələrlə danışıb”.

L.Slutskinin sözlərinə görə, Qara Yanvar hadisələrinin ağrısı Azərbaycanla bağlı olan və bu ölkəni sevən bütün insanların qəlbində yaşayır. O deyib: “Artıq 30 ildir ki, biz hər il bu barədə danışırıq. Hətta həmin faciəli hadisələrdən sonra doğulmuş gənclərin də qəlbində bu ağrı azalmır. Onlar özlərini Azərbaycan vətəndaşları və ya mənim kimi, qəlbində Azərbaycanı yaşadan insanlar hesab etməyə başlayan andan bu ağrını da duyurlar. Azərbaycan tarixində bu qara yubiley gününü, bu faciəni hər kəs xatırlayır və həmişə xatırlayacaq”.

Deputat çıxışının sonunda deyib: “Mənim fikrimcə, biz hamımız 1990-cı il yanvarın 20-də həlak olanların doğmalarına və yaxınlarına dərin hüznlə başsağlığı verməli, bu hadisələri daim xatırlamalı və belə faciələrin bir daha baş verməməsi üçün əlimizdən gələni etməliyik”.

Tarix
2020.01.20 / 21:42
Müəllif
Axar.az
Digər xəbərlər

Azərbaycan bizi yarı yolda qoymayan tərəfdaşımızdır - Slutski

XİN Xankəndi Kommunikesi barədə məlumat yaydı

Dağıstan rəhbəri Rusiya və Azərbaycana çağırış etdi

Rusiya Bakıya heyət göndərir: Putinin şəxsi mesajı...

Azərbaycan ABŞ-a başsağlığı verdi

Rusiyada bu qurum Azərbaycana müraciət etdi

Sülh sazişi ilə bağlı müzakirələr tamamlanıb - Əmirbəyov

Mirziyayevin Azərbaycana səfəri əhəmiyyətlidir...

Rusiyadan Azərbaycana gələn turist sayında azalma var?

Bakı-Moskva gərginliyi: Ərdoğanın bu sözləri Putinədir

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla