"Sərkisyandan Moskva istədiyi hər şeyi aldı".

Axar.az "Epress.am"a istinadən xəbər verir ki, bu açıqlama ilə erməni politoloq Armen Badalyan çıxış edib.

O, İrəvandakı narazılıqların Rusiyaya yönələ biləcəyini söyləyib:

"Sərkisyana qarşı Qərbin münasibətinin pis olması hamıya bəllidir. Rusiyaya isə artıq o lazım deyil. Ona görə ki, Moskva istədiyi hər şeyi Sərkisyandan alıb. Ermənistan Avrasiya İttifaqına üzv oldu, ölkədəki Rusiya hərbi bazasının müddətinin uzadılması barədə müqavilə imzalandı, "Qazprom" özünə lazım olan pay hissələrinin hamısını İrəvandan aldı və s.. İndiki zamanda Ermənistanın yarıtmaz iqtisadi siyasəti ucbatından yaranan narazılıqların nəticələrinin Rusiyaya yönəlməsi təhlükəsi var. Moskvaya isə MDB tərkibində növbəti düşmən əhval-ruhiyyənin yaranması gərək deyil".