"Türkiyə Cümhuriyyəti türkmanlara hər cür yardım edib".

Axar.az xəbər verir ki, bu açıqlama ilə Suriya Türkman Birliyinin rəhbəri Samir Hafez çıxış edib.

O, Ankaradan göndərilən yardımları bütün türkmanların aldığını bildirib:

"15-30 nəfərlik qruplar var ki, onlar yardım almaya bilərlər. Bunların üstündən Türkiyəni hədəf alıb, türkmanlara kömək edilmədiyini söyləmək böyük haqsızlıqdır. Türkiyənin dəstəyi olmasaydı, türkmanlar bir dəqiqə belə ayaqda qala bilməzdilər. Ankara böyük çətinliklərlə üz-üzə gələrək türkmanlara hər cür kömək edib. Heç kim türkmanları daxili siyasət üçün vasitə edə bilməz".

Qeyd edək ki, bir müddət öncə "Cümhuriyyət" qəzeti keçən ilin ortalarında polis tərəfindən saxlanılan Milli İstihbarat Təşkilatına aid silah dolu yük maşınları ilə bağlı yeni iddialar ortaya atmışdı. Qəzet əslində, həmin silahların türkmanlara yox, başqa istiqamətə aparıldığını bildirmişdi.