Bakıda broyler toyuq məhsullarının alıcılıq qabiliyyəti aşağı düşüb. Əsasən də toyuqdan hazırlanan qrilin satışı azalıb və müştəri qıtlığı müşahidə olunur.

​

Axar.az xəbər verir ki, broyler toyuqların hazırlanması üsulu ilə bağlı sosial şəbəkələrdə yayılan video alıcıların bu məhsullara münasibətinə ciddi təsir edib. Vətəndaşlar süni yolla yetişdirilmiş broyler toyuqları almaqdan haqlı olaraq imtina edir.

Bu da öz növbəsində toyuq istehsalı ilə məşğul olan firmaların işini zəiflədir. Məlumata görə, genetik modifikasiya olunmuş (GMO) toyuq məhsullarının satışı ilə bağlı araşdırmalar aparılır. Toyuq satışını təşkil edən bir sıra tanınmış şirkətlərin adı GMO-dan istifadədə hallanır. Odur ki, yaxın günlərdə ciddi faktların aşkarlanıb ictimailəşdirilməsi istisna olunmur.