Ana səhifə Gündəm |
Ağcabədi RPŞ "Azər-mühafizə" MMC-nin rayon filialının rəisi Malik Səfərov barəsində araşdırmalara başlayıb.
Axar.az Daxili İşlər Nazirliyinin rəsmi saytına istinadən xəbər verir ki, fevralın 16-da Ağcabədi rayon sakinləri Nadir Cəfərov, Fikrət Əliyev, Emin Rzayev, Mirza İbrahimov və Vasif Quliyev M.Səfərovdan polisə şikayət ediblər.
Onlar 2014-cü ildə "Azər-mühafizə" MMC-nin Ağcabədi rayon filialının rəisi Malik Səfərov tərəfindən aldadıldıqlarını və ümumilikdə 12 min 900 manat pullarının alındığını bildiriblər.
Qeyd edək ki, Baş Prokurorluq ötən ay "Qala-BTX" və "Azər Mühafizə" MMC-nin direktoru Vüqar Hüseynovu qabaqcadan bir qrup şəxslə əlbir olaraq ayrı-ayrı şəxsləri işə düzəltmək və guya cəmiyyətin depozit hesabına pul keçirmək adı ilə aldatdığı üçün həbs edib.
Tarix
2015.02.17 / 13:55
|
Müəllif
İlham Sahiloğlu
|