İnzibati həbsdə olan AXCP fəalı Zamin Salayev bugün ailə üzvləri, o cümlədən oğlu Oktay Salayevlə görüşüb.

Görüşdən sonra Oktay Salayev işgəncə nəticəsində atasının “qrija”sının partladığını bildirib.

Oktay Salayevin iddiaları ilə bağlı Axar.az-ın sorğusuna cavab olaraq DİN Mətbuat Xidmətinin rəisi, polkovnik Ehsan Zahidov qeyd edib ki, Zamin Salayevin “qrija”sının olub-olmamasını onun həbsi ilə heç bir əlaqəsi yoxdur:

“Hər bir insanda bu xəstəlik ola bilər. Zamin Salayevin “qrija”sı dünənin, bugünün problemi deyil. Onun bu xəstəliyi bir neçə il əvvəl yaranıb. O özü də həkim müayinəsində olarkən bunu deyib”.

Qeyd edək ki, polisə tabe olmamağa görə AXCP üzvü Zamin (Əlizamin) Salayev inzibati qaydada 30 sutka həbs cəzası alıb.

Axar.az Z.Salayevlə bağlı sensasion məqamları üzə çıxarıb.