Türkiyədə baş verən ardıcıl şiddətli zəlzələdən sonra “Posta” qəzetinin Ankara təmsilçisi Hakan Çelik sosial şəbəkə hesabında "CNN Türk"də bir neçə ay öncə yayımlanmış verilişdən bir parçanı paylaşıb.

Axar.az xəbər verir ki, paylaşım qısa müddətdə bütün sosial şəbəkənin diqqətini çəkib və hamının paylaşdığı videoya çevrilib.

Sözügedən verilişdə prof.dr. Naci Görür zəlzələ proqnozu verir.

“Doğu Anadolu fayına diqqət çəkmək istəyirəm. Bu fay uzun zamandır susqundur. Vaxtilə böyük zəlzələlər olubdur. Amma təxminən 1500-cü ildən bəri zəlzələ olmayıb. Buna görə Elazığ-Bingöl arası bölgələr üçün risk böyükdür”, - Görür bildirib.