Elnur Hüseynovu təhqir edən türkiyəli jurnalist Bülənt Əriş yazdıqlarının yanlış anlaşıldığını bildirib.

Musavat.com-un məlumatına görə, Əriş Tvitter sosial şəbəkəsində bildirib ki, yarışmada bir azərbaycanlını yox, bir Türkiyə vətəndaşını qalib görmək istəyib.

Bülənt Əriş yazıb: "Ankaralı olaraq bu ölkədə baş tutan istənilən yarışmada türkiyəli birinin qalib olmasını istəyərdim. Azərbaycanlı qardaşlarıma heç bir sözüm yoxdur. Həssaslığınızı anlayıram, sadəcə, fikrimi bildirdim. Ayrıseçkilyə qarşıyam. Hər kəsə, bütün azərbaycanlı qardaşlarıma sevgi və sayğımı göndərirəm".

Xatırladaq ki, Türkiyənin "Radikal" qəzetinin yazarı, jurnalist Bülənt Eriş Elnurun adını 2012-ci ildə "Yetənək sizsiniz"də birincilik qazanmış Maks adlı itlə yanaşı çəkib. O, köşə yazısının adını məsxərə ilə "Keçmişdə Maks adlı it, bu gün azəri Elnur" olaraq qələmə alıb.