Türkiyənin nümayəndə heyəti Azərbaycandakı parlament seçkiləri ilə bağlı müşahidələrini açıqlayıb.

Axar.az xəbər verir ki, Mərmərə Qrupunun vəqf başqanı Akkan Suver bu gün baş tutan seçkilərdə 29 seçki məntəqəsini ziyarət etdiyini vurğulayıb:

"Nərimanov, Nəsimi, Səbail, Xətai, Nizami, Abşeron, Binəqədi və Sumqayıtda seçki məntəqələrində oldum. Şuşa, Ağdam, Xocalı və Xocavənddən olan seçicilərlə də görüşdüm. Abşeronda vyetnamlılarla, Sumqayıtda isə ATƏT nümayəndələri ilə birgə sandıqları yoxladıq. Gəldiyim qənaət budur ki, seçkilər Avropa səviyyəsində keçirilib. Xüsusilə, 18 saylı seçki məntəqəsində səslərin sayılması zamanı özəl diqqət və müşahidəçilərin rəftarı məni heyran etdi. Müşahidəçilərin çoxluğunu xanımların təşkil etməsi bizə xüsusi qürur hissi yaşatdı. Azərbaycanda baş tutan bu seçkilər demokratiyanın özüdür".

Türkiyəli müşahidəçi demokratik yaşamda yeni seçilən parlamentin Azərbaycana qan verəcəyinə inandığını söyləyib.