Azərbaycanda 5000 ədəd qiymətli kağız satışa çıxarılır.

Musavat.com xəbər verir ki, Bakı Fond Birjasının məlumatına görə, sabahdan satışa çıxarılacaq qiymətli kağızların ilkin qiyməti 1000 ABŞ dolları dəyərində hesablanıb. Məlumatda həmçinin bildirilir ki, qiymətli kağızların emitenti Unileasing QSC-nə məxsusdur.

Bundan başqa "Çelsi Kapital" MMC-yə məxsus daha 400 ədəd istiqrazın satışı da nəzərdə tutulub. Emissiyanın həcmi 400 000 manatdır və yerləşdiriləcək istiqrazların sayı 400 ədəddir. Beləliklə hər bir istiqrazın nominal dəyəri 1000 manatdır.

İstiqrazların tədavül müddəti 730 gün, istiqraz üzrə faiz dərəcəsi 12 %, faiz ödəniş dövrünün müddəti isə 3 aydan birdir.